السيسي خلال إفطار جماعي مع الطلاب وهيئة التدريس والعاملين في جامعة كفر الشيخ. الصورة من صفحة المتحدث الرئاسي - فيسبوك

نص كلمة السيسي أثناء زيارته لجامعة كفر الشيخ 14/12/2021

منشور الخميس 16 ديسمبر 2021

 

ماتمشوش إلا لما أشكركو بصراحة يعني.. ماتمشوش إلا لما أشكركو فعلًا.. ماتمشوش استنوا (تصفيق) (يضحك الرئيس) لا لا...

أنا بحييكو والله، وقد إيه إنتو أسعدتونا وإديتونا أمل كبير قوي. ده إحنا عندنا حاجة عظيمة جدًا. الجامعات مليانة مواهب جميلة ورائعة. أنا بشكركو، شكرًا جزيلًا، شكرًا جزيلًا (تصفيق)

وإحنا محتاجين من كل الجامعات بتاعتنا المواهب اللي زي كدة، وفي كل الفنون، وفي كل الأنشطة، إإإ.. نقدمهم للناس، ونقدمهم لنفسينا، ونأكد للمصريين إن إحنا عندنا بسم الله ما شاء الله، خير كتير قوي، في كل حاجة، بس الفرصة.. وبعدين حاجة راقية جدًا ورائعة يعني.

فـ.. أتصور إن إحنا محتاجين، ماعرفش الدكتور خالد والدكتور مصطفى في المسرح أو في مدينة الثقافة والفنون، ع الأقل ندي الجامعة يوم، كل جامعة، أي جامعة، يوم تيجي الـ، ونتفرج و.. (تصفيق) والكلام ده، والكلام ده مش إحنا بس اللي نتفرج عليه، لأ ده يوم يبقى يعني الناس كلها في مصر تشوفه، وتشوف قد إيه إن إحنا عندنا زي ما بقول كدة، مش ممكن الـ 100 مليون مايكونش فيهم أفضل حاجة في كل حاجة.

فـ.. النهاردة.. إديتوني أمل كبير قوي.. متشكر قوي.. شكرًا، شكرًا (تصفيق)


ألقيت الكلمة في جامعة كفر الشيخ، أمام فريق كورال الجامعة، بحضور وزير التعليم العالي الدكتور خالد عبد الغفار، وعدد من الطلاب وأعضاء هيئة التدريس والعاملين بالجامعة.


خدمة الخطابات الكاملة للسيسي تجدونها في هذا الرابط